रवि लामिछानेविरुद्धको सङ्गठित अपराध मुद्दा फिर्ता लिन अदालतको अनुमति

काठमाडौँ जिल्ला अदालतले राष्ट्रिय स्वतन्त्र पार्टीका सभापति रवि लामिछानेविरुद्ध लगाइएको सङ्गठित अपराधसम्बन्धी अभियोग फिर्ता लिन अनुमति दिएको छ। न्यायाधीश आत्मदेव जोशीको इजलासले सरकारी वकिल कार्यालयको अभियोग संशोधन निवेदन स्वीकार गर्दै उक्त आरोप हटाउने आदेश दिएको हो। यद्यपि, लामिछानेविरुद्धको सहकारी ठगीसम्बन्धी मुद्दा भने यथावत् रहने अदालतले जनाएको छ।