दीपक खड्का थुनामै रहने सर्वोच्चको आदेश

सर्वोच्च अदालतले नेपाली कांग्रेसका नेता दीपक खड्कालाई हाल थुनामै राख्न आदेश दिएको छ। उनकी श्रीमतीको बन्दीप्रत्यक्षीकरण रिटमाथि सुनुवाइ गर्दै अदालतले यथास्थिति कायम राख्न निर्देशन दिएको हो। खड्का चैत १५ गते पक्राउ परेका थिए। जेनजी आन्दोलनका क्रममा उनको घरमा भेटिएको जलेको रकमबारे सम्पत्ति शुद्धीकरण अनुसन्धान भइरहेको छ। अर्को सुनुवाइ वैशाख ३ गते तोकिएको छ।