खनाल–जयशंकर भेट: नेपाल–भारत सहकार्यमा जोड

मोरिससमा आयोजित हिन्द महासागर सम्मेलनका क्रममा परराष्ट्रमन्त्री शिशिर खनाल र भारतीय विदेशमन्त्री एस. जयशंकरबीच भेटवार्ता भएको छ। भेटमा द्विपक्षीय साझेदारी र क्षेत्रीय सहकार्यका विषयमा छलफल भयो। जयशंकरले सहकार्य विस्तारमा जोड दिए। खनालले सम्मेलनमा ‘माउन्टेन–ओसियन कनेक्टिभिटी’ मुद्दा उठाउने तयारी गरेका छन्। नेपालले समुद्री मार्गको महत्त्वबारे आफ्नो धारणा प्रस्तुत गर्नेछ।