जेनजी आन्दोलन छानबिनः प्रधानमन्त्री र सुरक्षा अधिकारीमाथि कारबाही सिफारिस

भदौ २३–२४ का ‘जेनजी’ युवा आन्दोलनका क्रममा भएको मानवीय क्षति र सुरक्षा कमजोरीबारे छानबिन गर्न गठित आयोगले प्रतिवेदनमा तत्कालीन प्रधानमन्त्री केपी शर्मा ओली, गृहमन्त्री रमेश लेखक र आईजीपी चन्द्रकुवेर खापुङलाई दोषी ठहर गर्दै कारबाही सिफारिस गरेको छ। आयोगले उनीहरूलाई फौजदारी लापरवाही र जिम्मेवारीबाट पन्छिएको भन्दै मुलुकी अपराध संहिता अनुसार कारबाही गर्न सुझाव दिएको छ।