त्रिविको अल्टिमेटमपछि तीन संस्थाले जग्गा फिर्ता गरे

त्रिभुवन विश्वविद्यालयले ३५ दिने अल्टिमेटम दिएपछि नेपाल प्राध्यापक संघ, त्रिवि प्राध्यापक संघ र कर्मचारी संघले विश्वविद्यालयको जग्गा फिर्ता गरेका छन्। त्रिविले अतिक्रमित जग्गा खाली गराउन विभिन्न संस्थालाई पत्राचार गरेको थियो। केही संस्थाले सकारात्मक जवाफ दिएका छन् भने क्रिकेट मैदानबारे क्यानसँग छलफल गर्ने तयारी भइरहेको छ। विश्वविद्यालयले अब जग्गा व्यवस्थापनमा कडाइ गर्ने जनाएको छ।