बाचापत्रविपरीत अभिव्यक्ति दिएको भन्दै रास्वपा महामन्त्री बुर्लाकोटीको आलोचना

रास्वपा महामन्त्री कवीन्द्र बुर्लाकोटीले पार्टीलाई सहयोग गरेका व्यक्तिलाई विश्वविद्यालय नियुक्तिमा प्राथमिकता दिन सकिने संकेत गरेपछि विवाद उत्पन्न भएको छ। उनको अभिव्यक्ति रास्वपाको बाचापत्र तथा ‘शासकीय सुधारका १०० बुँदा’मा उल्लेख राजनीतिक हस्तक्षेपमुक्त शिक्षा नीतिविपरीत भएको भन्दै आलोचना भएको छ। प्राध्यापक सङ्घका पूर्वसभापति भीमसेनदाश प्रधानले यसलाई अनैतिक र अराजनीतिक टिप्पणी बताएका छन्।