परराष्ट्रमन्त्री: सुस्ता, लिम्पियाधुरा, लिपुलेक र कालापानीमा मात्र सीमाङ्कन बाँकी

परराष्ट्रमन्त्री शिशिर खनालले नेपाल–भारत सीमा सुगौली सन्धिअनुसार स्थापित रहेको स्पष्ट पारेका छन्। राष्ट्रिय सभामा बोल्दै उनले सुस्ता, लिम्पियाधुरा, लिपुलेक र कालापानी क्षेत्रमा मात्रै सीमाङ्कन बाँकी रहेको बताए। दशगजा अतिक्रमण र सीमा पार कब्जाको समस्या केही क्षेत्रमा रहेको उल्लेख गर्दै प्राविधिक टोलीमार्फत संयुक्त रूपमा काम भइरहेको जानकारी दिए।