वीरगन्जका मेयर राजेशमान सिंहसँग ४ लाख १५ हजार धरौटी माग

जिल्ला अदालत पर्साले वीरगन्ज महानगरपालिकाका मेयर राजेशमान सिंहसँग ४ लाख १५ हजार रुपैयाँ धरौटी माग गरेको छ। जिल्ला न्यायाधीश गायत्रीप्रसाद रेग्मीको इजलासले थुनछेक बहसपछि लिखित कीर्तेसम्बन्धी मुद्दामा ४ लाख र झुट्टा विवरण पेश गरेको मुद्दामा १५ हजार रुपैयाँ धरौटी तोकेको हो। हाल प्रहरी हिरासतमा रहेका सिंहले धरौटी बुझाएपछि रिहा हुनेछन्।