राष्ट्रिय मानव अधिकार आयोगद्वारा जेनजी आन्दोलनमा सुरक्षा स्रोत अभावले ठूलो क्षति भएको जिकिर

मानव अधिकार आयोगले जेनजी आन्दोलनका क्रममा सुरक्षाकर्मीलाई पर्याप्त स्रोतसाधन उपलब्ध नगराउँदा ठूलो मानवीय र भौतिक क्षति भएको जनाएको छ। प्रतिवेदनअनुसार प्रहरीसँग आवश्यक सुरक्षा उपकरण अभाव हुँदा उनीहरू ज्यान जोगाउन भाग्न बाध्य भएका थिए। आन्दोलनमा घुसपैठ, झडप, आगजनी र संसद भवनमा तोडफोड भएपछि प्रहरीले अश्रुग्यास र गोलीसमेत चलाउनु परेको आयोगले उल्लेख गरेको छ।