नयाँ संसद् भवन ढिलो, बहुउद्देश्यीय हलमै प्रतिनिधिसभा बैठक तयारी

निर्माणाधीन नयाँ संसद् भवन समयमै सम्पन्न नहुँदा प्रतिनिधिसभाका बैठक अस्थायी रूपमा बहुउद्देश्यीय हलमा सञ्चालन गर्ने तयारी गरिएको छ। संघीय संसद् सचिवालयका प्रवक्ता एकराम गिरीका अनुसार मुख्य सभाकक्ष तयार नभएकाले वैकल्पिक व्यवस्था गरिएको हो। सोही हलमा सांसदको शपथग्रहण र प्रारम्भिक बैठक हुनेछन्। सभाकक्ष निर्माण पूरा भएपछि मात्रै नियमित बैठक नयाँ सभाकक्षमा बस्ने बताइएको छ।