कांग्रेसको आह्वानमा विपक्षी दलहरूको बैठक सुरु

नेपाली कांग्रेसको संसदीय दलले आह्वान गरेको विपक्षी दलहरूको बैठक मंगलबार सिंहदरबारस्थित संसदीय दलको कार्यालयमा सुरु भएको छ। बैठकमा कांग्रेस, नेकपा एमाले, नेपाली कम्युनिस्ट पार्टी र राप्रपाका शीर्ष नेताहरू सहभागी छन्। प्रतिनिधिसभा बैठक बुधबारसम्म स्थगित भएपछि संसद्को गतिरोध र आगामी रणनीतिबारे छलफल गर्न विपक्षी दलहरू एक ठाउँमा जुटेका हुन्।