आजदेखि सुरु भयो अधिकमास, असार १ सम्म रहने

प्रत्येक ३२ महिना १६ दिनमा पर्ने अधिकमास आजदेखि सुरु भई असार १ गतेसम्म रहने भएको छ। सौर र चान्द्र वर्ष मिलाउन आउने यस महिनामा विवाह, व्रतबन्ध, गृहप्रवेशजस्ता माङ्गलिक कार्य गर्न निषेध गरिएको छ। पूजा, जप, ध्यान र धार्मिक पाठ गर्न भने शुभ मानिन्छ। अधिकमासमा मच्छेनारायण मन्दिरमा विशेष मेला लाग्ने र लाखौँ भक्तजन दर्शनका लागि पुग्ने परम्परा रहेको छ।