प्रतिनिधिसभा बैठक आज, महत्त्वपूर्ण विधेयक र अन्तर्राष्ट्रिय महासन्धिमाथि छलफल हुने

प्रतिनिधिसभाको बैठक सोमबार बिहान ११ बजे बस्दैछ। बैठकमा नेपाल विशेष सेवा ऐन संशोधन, नेपाल राष्ट्र बैंक (तेस्रो संशोधन) विधेयक तथा अभौतिक सांस्कृतिक सम्पदा विधेयक समितिमा पठाउने प्रस्ताव प्रस्तुत हुनेछ। साथै अन्तर्राष्ट्रिय श्रम संगठनका दुई महासन्धिसम्बन्धी प्रस्तावमाथि पनि संसद्मा छलफल अघि बढाइने कार्यसूची रहेको संसद् सचिवालयले जनाएको छ।