नयाँ प्रणाली लागू गर्न राहदानी सेवा केही दिन बन्द हुने

राहदानी विभागले नयाँ प्रणाली कार्यान्वयनको अन्तिम तयारीस्वरूप केही दिन राहदानी सेवा बन्द गर्ने भएको छ। विभागका अनुसार जिल्ला तथा इलाका प्रशासन कार्यालय तथा विदेशस्थित नेपाली नियोगबाट प्रदान हुने राहदानी सेवा असार २४ देखि २६ गतेसम्म बन्द रहनेछ। यस्तै, राहदानी विभागबाट प्रदान हुने सेवा असार २५ र २६ गते बन्द हुनेछ। विभागले नयाँ प्रणाली नियमित रूपमा सञ्चालनमा ल्याउने तयारी अन्तिम चरणमा पुगेको जनाएको छ।