राजमार्ग बन्द भए पनि काठमाडौंमा इन्धन आपूर्तिमा समस्या नहुने: आयल निगम

मुग्लिन–काठमाडौं सडकखण्ड अवरुद्ध भए पनि काठमाडौंमा पेट्रोलियम पदार्थ र एलपी ग्यासको आपूर्तिमा समस्या नहुने नेपाल आयल निगमले जनाएको छ। निगमले मकवानपुर हुँदै वैकल्पिक मार्गबाट इन्धन र ग्यास ढुवानी गर्ने तयारी गरेको छ। अमलेखगञ्ज डिपोबाट पाइपलाइनमार्फत पर्याप्त इन्धन उपलब्ध हुने भएकाले उपभोक्तालाई अभावको त्रास नलिन निगमले आग्रह गरेको छ।