संसदीय दलको नेता चयनबारे छलफल गर्न कांग्रेसले बोलायो बैठक

नेपाली कांग्रेसले संसदीय दलको नेता चयन प्रक्रिया अघि बढाएको छ। यसका लागि गठन गरिएको समितिले सांसदहरूलाई छलफलमा सहभागी हुन आह्वान गरेको छ। समितिका संयोजक प्रकाश स्नेहीका अनुसार आज वैशाख ४ गते दिउँसो ३ बजे सिंहदरबारस्थित संसदीय दलको कार्यालयमा बैठक बस्नेछ। बैठकमा दलको नेताबारे विचार विमर्श गरिनेछ र आवश्यक निर्णय प्रक्रियातर्फ अघि बढिने अपेक्षा गरिएको छ।