कतार एयरवेजलाई यात्रुलाई साढे २ करोडभन्दा बढी क्षतिपूर्ति दिन आदेश

उपभोक्ता अदालतले कतार एयरवेजलाई कफी पोखिएर घाइते भएकी यात्रु प्रिती थापालाई २ करोड ६१ लाख रुपैयाँभन्दा बढी क्षतिपूर्ति दिन आदेश दिएको छ । विमानमा चालक दलका सदस्यबाट तातो कफी पोखिँदा उनी गम्भीर रूपमा घाइते भएकी थिइन् । अदालतले मोन्ट्रियल कन्भेन्सन र उपभोक्ता संरक्षण ऐनअनुसार क्षतिपूर्ति दिनुपर्ने फैसला गरेको हो ।