ओली पक्राउपछि एमाले सचिवालय बैठक पुनः जारी

नेकपा एमालेको सचिवालय बैठक च्यासलमा जारी छ। अध्यक्ष केपी शर्मा ओली पक्राउपछि बसेको यो दोस्रो बैठक हो। बैठकमा आगामी राजनीतिक कार्यक्रम र रणनीतिबारे छलफल भइरहेको छ। साथै प्रतिनिधिसभाको पहिलो बैठकअघि संसदीय दलको नेता चयन गर्ने विषयमा पनि चर्चा भइरहेको नेताहरूले बताएका छन्। यसअघि पनि बैठकले विरोधका कार्यक्रम तय गरेको थियो।