काठमाडौँ ट्राफिकमा सुधार नगरे भयावह अवस्था आउने चेतावनी

उपत्यका ट्राफिक एसएसपी सुरेश काफ्लेले काठमाडौँको ट्राफिक प्रणाली सुधार नगरे दुई वर्षभित्र सडक चल्न नसकिने अवस्था आउने चेतावनी दिएका छन्। सङ्घीय संसद्को पूर्वाधार विकास समितिको बैठकमा 'सार्वजनिक सवारी र ढुवानी व्यवस्थापन' सम्बन्धी प्रस्तुति गर्दै उनले सवारी संख्या अत्यधिक भएकाले प्रविधिमैत्री व्यवस्थापन, एआई ट्राफिक लाइट, जरिवाना वृद्धि, ड्यासबोर्ड क्यामेरा र स्क्र्याप नीति आवश्यक रहेको बताए। अन्यथा जाम र दुर्घटना झनै बढ्ने उनको भनाइ छ।