११ जिल्लामा फैलिएको बर्डफ्लु ७ जिल्लामा नियन्त्रण, काठमाडौं उपत्यकासहित चार जिल्ला अझै उच्च निगरानीमा

देशका ११ जिल्लामा फैलिएको बर्डफ्लु सात जिल्लामा पूर्ण नियन्त्रणमा आएको पशुसेवा विभागले जनाएको छ। झापा, मोरङ, सुनसरी, महोत्तरी, बारा, चितवन र नवलपरासीमा संक्रमण नियन्त्रणमा आए पनि काठमाडौं, ललितपुर, भक्तपुर र काभ्रेपलाञ्चोक अझै निगरानीमा छन्। संक्रमित पन्छी तथा सामग्री नष्ट गरिएको र किसानलाई जैविक सुरक्षा अपनाउन विभागले आग्रह गरेको छ।