फिलिपिन्समा ७.८ म्याग्निच्युडको भूकम्प, १५ जनाको मृत्यु

फिलिपिन्समा सोमबार बिहान गएको ७.८ म्याग्निच्युडको शक्तिशाली भूकम्पका कारण कम्तीमा १५ जनाको मृत्यु भएको छ भने १२९ जना घाइते भएका छन्। नागरिक रक्षा कार्यालयका अनुसार दक्षिणी सोक्स्सार्गेन क्षेत्रमा सबैभन्दा बढी क्षति भएको छ। भूकम्पपछि मिन्डानाओका छवटा क्षेत्रमा सुनामी छाल रेकर्ड गरिएको थियो, जसको उचाइ अधिकतम १.४ मिटर पुगेको थियो। स्थानीय समयअनुसार बिहान ११ बजेसम्म १.३ देखि ६.७ म्याग्निच्युडसम्मका १३८ वटा परकम्पसमेत रेकर्ड गरिएको छ।