विष्णु पौडेललाई साधारण तारेखमा रिहा गर्न विशेष अदालतको आदेश

सम्पत्ति शुद्धीकरण मुद्दामा विशेष अदालतले नेकपा एमालेका उपाध्यक्ष तथा पूर्व अर्थमन्त्री विष्णुप्रसाद पौडेललाई साधारण तारेखमा रिहा गर्न आदेश दिएको छ। न्यायाधीश नारायणप्रसाद पौडेल, डिल्लीरत्न श्रेष्ठ र विदुर कोइरालाको इजलासले पुर्पक्षका लागि थुनामा नराख्ने निर्णय गरेको हो। उनीविरुद्ध २० करोड ९० लाख रुपैयाँ बिगो दाबीसहित बिहीबार मुद्दा दर्ता भएको थियो।