राष्ट्रपति पौडेलको सम्बोधन: युवालाई देशमै अवसर सिर्जना गर्न जोड

राष्ट्रपति रामचन्द्र पौडेलले संघीय संसद्को संयुक्त बैठकलाई सम्बोधन गर्दै निर्वाचन सफल बनाउन सहयोग गर्ने सबैलाई धन्यवाद दिएका छन्। उनले नयाँ पुस्तालाई राजनीतिक सहभागितामा स्वागत गर्दै रोजगारी, सुशासन र आर्थिक स्थायित्वमा जोड दिए। युवालाई देशमै बस्ने वातावरण, शैक्षिक सुधार र रोजगारी सिर्जना आवश्यक रहेको भन्दै निराश जनशक्तिबाट विकास सम्भव नहुने बताए।