अपडेट: काभ्रेको बुच्चाकोट बस दुर्घटनामा मृत्यु हुनेको संख्या ८ पुग्यो

बीपी राजमार्गअन्तर्गत काभ्रेको बुच्चाकोटमा यात्रुबाहक बस दुर्घटना हुँदा मृत्यु हुनेको संख्या ८ पुगेको छ। थप एक शव बसमुनिबाट फेला परेपछि मृतक संख्या बढेको प्रहरीले जनाएको छ। मृतकमध्ये ४ पुरुष र ४ महिला छन्, तर पहिचान खुल्न बाँकी छ। दुर्घटनामा १७ जना घाइते भएका छन्। उनीहरूलाई उद्धार गरी धुलिखेल अस्पतालमा उपचारका लागि पठाइएको छ।