अमेरिकाबाट १२० बढी नेपाली निष्कासन, चार्टर विमानमार्फत काठमाडौं ल्याइँदै

अमेरिकाले अध्यागमन कानुन उल्लंघन गरेको आरोपमा १२० भन्दा बढी नेपालीलाई निष्कासन गरेको छ। नेपाली राजदूतावास, अमेरिकाका अनुसार विशेष चार्टर विमानमार्फत उनीहरू आज त्रिभुवन अन्तर्राष्ट्रिय विमानस्थल आइपुग्दैछन्। परराष्ट्र मन्त्रालय, नेपाललाई यसबारे जानकारी दिइसकिएको छ। अवैध रूपमा बसोबास र गैरकानुनी प्रवेशका कारण निष्कासन गरिएको जनाइएको छ। आप्रवासन कडाइपछि यस्तो कारबाही बढेको हो।