ऊर्जा क्षेत्रमा ५ प्रतिशत भ्याट लागू भए पनि उपभोक्तालाई अतिरिक्त भार नपर्ने : अर्थमन्त्री

अर्थमन्त्री डा. स्वर्णिम वाग्लेले नयाँ कर नीति र बजेट दीर्घकालीन आर्थिक सुधार तथा अर्थतन्त्रको औपचारिकीकरणमा केन्द्रित रहेको बताएका छन्। ऊर्जा क्षेत्रमा ५ प्रतिशत भ्याट प्रस्ताव गरिए पनि ५० युनिटसम्म निःशुल्क विद्युत उपलब्ध गराइने र मूल्य समायोजनमार्फत उपभोक्तालाई अतिरिक्त आर्थिक भार नपर्ने गरी साउन १ गतेदेखि कार्यान्वयन गरिने उनले स्पष्ट पारे।