दाउन्ने सडकको ढलान अन्तिम चरणमा, ३० वर्ष टिक्ने दाबी

पूर्व–पश्चिम राजमार्गअन्तर्गत दाउन्ने खण्डको सडक निर्माण अन्तिम चरणमा पुगेको छ। सडक विभागका अनुसार दाउन्नेको भौगोलिक अवस्था र सवारी चापलाई ध्यानमा राखी कालोपत्रेको सट्टा गुणस्तरीय कङ्क्रिट ढलान गरिएको हो। भार नियन्त्रण र डिजाइनअनुसार मापदण्ड पालना भए सडकको ढलान कम्तीमा ३० वर्ष र अधिकतम ४० वर्षसम्म टिक्न सक्ने दाबी गरिएको छ।