सुनको मूल्य एकैदिन साढे २० हजारले घट्यो

नेपाली बजारमा शुक्रबार सुनको मूल्य एकैदिन साढे २० हजार रुपैयाँले घटेको छ। बिहीबार रेकर्ड बढेपछि शुक्रबार प्रतितोला सुन तीन लाख १८ हजार ८०० रुपैयाँमा झरेको हो। अघिल्लो दिन सुन तीन लाख ३९ हजार ३०० रुपैयाँ थियो। त्यस्तै चाँदी पनि ४४० रुपैयाँले घटेर प्रतितोला सात हजार ६५ रुपैयाँ कायम भएको नेपाल सुनचाँदी व्यवसायी महासंघले तथ्यांक सार्वजनिक गरेको हो।