अधिक तरलताले ब्याजदर करिडोर असफल

नेपाल राष्ट्र बैंक अधिक तरलता व्यवस्थापन र अल्पकालीन ब्याजदर नियन्त्रणमा कमजोर देखिएको छ। तरलता खिच्न विभिन्न उपकरण प्रयोग गरे पनि अन्तरबैंक ब्याजदर करिडोरको तल्लो सीमा २.७५ प्रतिशतभन्दा तल झरेको छ। आर्थिक सुस्ती, कमजोर कर्जा विस्तार र न्यून सरकारी खर्चका कारण प्रणालीमा अधिक तरलता थुप्रिएको छ। विज्ञहरूले दीर्घकालीन उपकरण विस्तार नगरे करिडोर प्रभावकारी नहुने चेतावनी दिएका छन्।