दुई महिनापछि भारतीय बजारमा नेपाली चियाको निर्यात पुनः सुरु

भारतीय पक्षले गुणस्तर परीक्षण प्रक्रिया सहज बनाएपछि झन्डै दुई महिनादेखि अवरुद्ध नेपाली चियाको निर्यात पुनः सुरु भएको छ। कूटनीतिक पहलपछि काँकडभिट्टा नाकाबाट चिया भारत जान थालेको हो। इलाममा थन्किएको अर्थोडक्स चिया अब बजार पुग्ने अपेक्षा गरिएको छ भने व्यवसायीले निकासी सहज हुने विश्वास व्यक्त गरेका छन्।