धादिङ बस दुर्घटनाको छानबिनका लागि कार्यदल गठन

धादिङको भैंसीगौडामा सोमबार बिहान पोखराबाट आएको ग.२ ख १४२१ नम्बरको यात्रुबाहक बस दुर्घटना भएपछि गृह मन्त्रालयले छानबिनका लागि ५ सदस्यीय कार्यदल गठन गरेको छ। कार्यदलको नेतृत्व सहसचिवले गर्नेछन् भने सदस्यहरूको नाम टुंगो लाग्न बाँकी छ। दुर्घटनामा १९ जनाको मृत्यु र २५ जना घाइते भएका छन्। गृहमन्त्री ओमप्रकाश अर्यालले सरोकारवालासँग छलफल गरेका थिए।