आर्थिक अपराध अनुसन्धानका लागि छुट्टै निकाय आवश्यक : अर्थमन्त्री वाग्ले

अर्थमन्त्री डा. स्वर्णिम वाग्लेले आर्थिक अपराधको अनुसन्धानका लागि अख्तियार दुरुपयोग अनुसन्धान आयोगजस्तै छुट्टै निकाय गठन आवश्यक रहेको बताएका छन्। प्रतिनिधिसभामा सम्पत्ति शुद्धीकरण निवारण विधेयकमाथिको छलफलमा उनले हाल नेपाल ग्रे लिस्टमा रहेकाले कानुनी व्यवस्था थप सशक्त बनाउनुपर्ने बताए। साथै, विगतमा सम्पत्ति शुद्धीकरण अनुसन्धान विभागलाई राजनीतिक प्रतिशोधका लागि प्रयोग गरिएको दाबी गर्दै विभागलाई अझ प्रभावकारी र निष्पक्ष बनाउने सरकारको तयारी रहेको जानकारी दिए।