मुआब्जा विवाद टुंगिएपछि जयनगर–बर्दिबास रेलमार्ग निर्माणले गति लियो

जग्गा मुआब्जासम्बन्धी विवाद समाधान भएसँगै जयनगर–बर्दिबास रेलमार्गको बाँकी १८ किलोमिटर खण्डको निर्माणले गति लिएको छ। नेपाल रेल्वे कम्पनीका अनुसार निर्माण कम्पनी इरकन इन्टरनेसनलले काम तीव्र बनाएको छ र आगामी दुई वर्षभित्र बर्दिबाससम्म रेल सेवा सञ्चालन गर्ने लक्ष्य राखिएको छ। साथै, कम्पनीले विभिन्न स्थानमा अतिक्रमणमा परेको रेल्वेको जग्गा नक्साका आधारमा खोजी गर्ने काम पनि सुरु गरेको छ।