पेट्रोलियम पदार्थको मूल्य घट्यो, पेट्रोलमा २० र डिजेलमा ३० रुपैयाँ कटौती

नेपाल आयल निगमले पेट्रोलियम पदार्थको मूल्य घटाएको छ। नयाँ निर्णयअनुसार पेट्रोलमा प्रतिलिटर २० रुपैयाँ, डिजेल तथा मट्टितेलमा ३० रुपैयाँ र एलपी ग्यासमा प्रतिसिलिन्डर १०० रुपैयाँ घटाइएको छ। काठमाडौंमा अब पेट्रोल प्रतिलिटर १९७ रुपैयाँ र डिजेल १९५ रुपैयाँमा पाइनेछ। नयाँ मूल्य बुधबारदेखि लागू भएको निगमले जनाएको छ।