एलपी ग्यासको आपूर्ति नियमित, श्रावणमा आयात उच्च

एलपी ग्यासको अभावबारे उपभोक्तामा चिन्ता बढिरहेका बेला नेपाल आयल निगमले बजारमा आपूर्ति नियमित रहेको जनाएको छ। निगमका अनुसार पछिल्लो पाँच महिनामध्ये श्रावणमा सबैभन्दा बढी ५० हजार ३९६ मेट्रिक टन ग्यास आयात भएको छ। उक्त महिनामा ४० लाखभन्दा बढी सिलिन्डर बजारमा वितरण भएका छन्। निगमले आवश्यकताअनुसार मात्र ग्यास खरिद गर्न र अनावश्यक भण्डारण नगर्न उपभोक्तालाई आग्रह गरेको छ।