सात दिनपछि हरियायो सेयर बजार, नेप्से ४४.५९ अंकले उकालो

लगातार सात कारोबार दिन घटेको सेयर बजार बुधबार ४४.५९ अंकले बढ्दै नेप्से परिसूचक २६५२ अंकमा पुगेको छ। कारोबार रकम पनि बढेर ३ अर्ब ८६ करोड रुपैयाँ पुगेको छ। २५२ कम्पनीको सेयर मूल्य बढ्दा १७ कम्पनीको घट्यो। सबै समूहका सूचक हरियाएका छन् भने उत्पादन, जलविद्युत् र व्यापार समूहमा २ प्रतिशतभन्दा बढी वृद्धि भएको छ। स्नो रिभर्ससहित केही कम्पनीको सेयर मूल्य उच्च दरले बढेको छ।