सेयर बजारमा उत्साह, नेप्से ८३.३३ अंकले वृद्धि

केही समयदेखि घट्दो अवस्थामा रहेको नेपाल सेयर बजार सोमबार उत्साही देखिएको छ। अर्थमन्त्री स्वर्णिम वाग्लेको सकारात्मक अभिव्यक्तिसँगै नेप्से परिसूचक ८३.३३ अंक बढेर २७६०.०२ बिन्दुमा पुगेको छ। २६४ कम्पनीको मूल्य बढ्दा ५ कम्पनीमा १० प्रतिशत सर्किट लागेको छ। रिलायन्स स्पिनिङ मिल्स, हिमालयन रिइन्स्योरेन्स र एनआरएन इन्फ्रास्ट्रक्चरले सबैभन्दा बढी कारोबार गरेका छन्।