आर्थिक रूपान्तरणका लागि सरकार–निजी क्षेत्र साझेदारी आवश्यक : अर्थमन्त्री वाग्ले

अर्थमन्त्री डा. स्वर्णिम वाग्लेले नेपालको आर्थिक रूपान्तरणका लागि सरकार र निजी क्षेत्रबीच बलियो साझेदारी आवश्यक रहेको बताउनुभएको छ। २० ठूला बहुराष्ट्रिय करदाता कम्पनीका प्रतिनिधिसँगको छलफलमा उहाँले निजी क्षेत्रको सफलता नै नेपालको आर्थिक सफलताको मुख्य आधार भएको उल्लेख गर्नुभयो। आर्थिक विकास कुनै एक मन्त्रालय वा नीतिको प्रयासबाट मात्र सम्भव नहुने भन्दै उहाँले ‘होल अफ द नेशन’ दृष्टिकोण आवश्यक रहेको बताउनुभयो।