पुँजीगत खर्च बढाउन नीतिगत सुधार थालेको अर्थमन्त्रीको भनाइ

अर्थमन्त्री डा. स्वर्णिम वाग्लेले सरकारले पुँजीगत खर्च गर्ने क्षमता सुधार्न नीतिगत तथा प्रक्रियागत परिवर्तन सुरु गरेको बताएका छन्। अर्थ समितिको बैठकमा उनले बजेट खर्चको पुरानो प्रवृत्ति तोड्दै ८० देखि १०० प्रतिशतसम्म पुँजीगत खर्च गर्ने वातावरण बनाइने बताए। विगतका नीतिगत निर्णय र ठेक्का स्थगित हुँदा खर्च अपेक्षाअनुसार हुन नसकेको उनको भनाइ छ।