राष्ट्रिय स्वतन्त्र पार्टीले बोलाएको सर्वदलीय बैठकले बाढीपहिरोको महाविपत्तिमा राजनीतिक दलहरू विभाजित नभई एकजुट हुनुपर्ने निष्कर्ष निकालेको छ। बैठकमा सुरुङमा फसेकाको उद्धार, राहत वितरण र तीनै तहका सरकारबीच प्रभावकारी समन्वयबारे छलफल भयो। राप्रपा नेता ज्ञानेन्द्र शाहीले जलवायुजन्य विपत्तिको क्षतिपूर्ति माग गर्दै नेपालले अन्तर्राष्ट्रिय समुदाय, संयुक्त राष्ट्रसंघ र अन्तर्राष्ट्रिय अदालतसम्म पहल गर्नुपर्ने बताए।
