दसैँमा अत्यधिक मासु, चिल्लो पदार्थ, मिठाई र मदिराको सेवनले मुटुरोगको जोखिम बढाउन सक्ने वरिष्ठ मुटुरोग विशेषज्ञ डा. कमल शर्मा लम्सालले बताएका छन्। उनले सन्तुलित खानपान, नियमित व्यायाम र रक्तचाप, मधुमेह तथा कोलेस्ट्रोल नियन्त्रणमा राख्न सुझाव दिएका छन्। रातो मासु र पटक–पटक प्रयोग गरिएको तेलमा पकाइएका परिकार कम खानुपर्ने उनको भनाइ छ। नियमित औषधि सेवन गरिरहेका व्यक्तिले औषधि छुटाउन नहुने र छाती दुख्ने, सास फेर्न गाह्रो हुने वा धेरै पसिना आउने लक्षण देखिए तत्काल अस्पताल जानुपर्ने उनले बताएका छन्।
