त्रिवि तालाबन्दी २५ दिनपछि खुल्यो

त्रिभुवन विश्वविद्यालयमा अनेरास्ववियु (क्रान्तिकारी) द्वारा लगाइएको तालाबन्दी २५ दिनपछि प्रशासनको सहयोगमा खुलेको छ। विद्यार्थीहरूले चार विभागको शुल्क घटाउन माग गर्दै उपकुलपति, रेक्टर लगायतका पदाधिकारीको कार्यालयमा तालाबन्दी गरेका थिए । उपकुलपति दीपक अर्यालका अनुसार तीन सदस्यीय शुल्क समायोजन समिति गठन गरिएको छ। समितिको सिफारिसअनुसार शुल्क घटाउने काममा केही समय लाग्ने उपकुलपति अर्यालको जिकिर छ।