चौरजहारी मेयरविरुद्ध भ्रष्टाचार मुद्दा दायर

रुकुम पश्चिमको चौरजहारीका मेयर पुष्प वादीविरुद्ध अख्तियारले भ्रष्टाचार मुद्दा दायर गरेको छ। विशेष अदालत काठमाडौंमा दायर मुद्दामा असिस्टेन्ट सबइन्जिनियर मोहन शाह पनि प्रतिवादी छन्। करार थप्न एक लाख रुपैयाँ घुस लिएको र दिएको पुष्टि भएपछि दुवैविरुद्ध कारबाही अघि बढाइएको हो। अख्तियारले कैद सजाय र घुस रकम जफतको माग गरेको छ।