कर्णाली विकास बैंकका सीईओसहित तीन जना पक्राउ

समस्याग्रस्त घोषित कर्णाली विकास बैंकका प्रमुख कार्यकारी अधिकृत निरजविक्रम शाहसहित तीन जना पक्राउ परेका छन्। बाँके प्रहरीले बैंकिङ कसुर मुद्दामा फरार रहेका शाह, नेपालगन्जकी दीपा थापा र सुभेच्छा श्रेष्ठलाई पक्राउ गरेको हो। उनीहरूलाई थप कारबाहीका लागि शुक्रबार उच्च अदालत तुल्सीपुरको नेपालगन्ज इजलासमा उपस्थित गराइएको छ। बैंकको व्यवस्थापन समूहतर्फबाट परेको जाहेरीपछि प्रहरीले अनुसन्धान गरी मुद्दा अघि बढाएको थियो।