कमलरीमाथिको यौन हिंसा शक्ति र विश्वासको दोहोरो दुरुपयोग : सर्वोच्च

सर्वोच्च अदालतले संरक्षकको आश्रयमा रहेकी नाबालिकामाथिको यौन हिंसालाई शारीरिक अतिक्रमणसँगै शक्ति र विश्वासको दोहोरो दुरुपयोग मानेको छ। दाङका लिलाबहादुर पछाईलाई १५ वर्षीय कमलरीमाथि जबरजस्ती करणी गरेको ठहर गर्दै अदालतले ६ वर्ष कैद र ५० हजार रुपैयाँ क्षतिपूर्ति भराउने फैसला गरेको छ। पीडितको विश्वसनीय बयान, सामाजिक निर्भरता र जाहेरीमा भएको सामान्य ढिलाइलाई अदालतले महत्त्वपूर्ण मानेको छ।