सार्वजनिक बिदामा पनि राहदानी विभागमा सेवाग्राहीको भीड

दक्षिण कोरियाको रोजगार अनुमति प्रणाली (ईपीएस) आवेदनका लागि ई–पासपोर्ट बनाउन सेवाग्राहीको चाप बढेपछि राहदानी विभागले सार्वजनिक बिदाको दिन पनि सेवा सञ्चालन गरेको छ। विभागले शनिबार र आइतबार बिहान १० बजेदेखि बेलुका ४ बजेसम्म राहदानी वितरण गर्ने व्यवस्था मिलाएको जनाएको छ, जसबाट सेवाग्राहीलाई सहज हुने अपेक्षा गरिएको छ।