मनसुन विपद् न्यूनीकरणका लागि समन्वय तीव्र, सरकार पूर्ण तयारीमा

राष्ट्रिय विपद् जोखिम न्यूनीकरण तथा व्यवस्थापन प्राधिकरणले मनसुनजन्य विपद्को जोखिम घटाउन सम्बन्धित निकायसँगको समन्वय तीव्र बनाएको छ। आइतबार बसेको बैठकले तयारी, उद्धार र रोकथामका कामको प्रगति समीक्षा गरेको छ। कार्यकारी प्रमुख प्रदीपकुमार कोइरालाले जनधनको क्षति न्यून गर्न सरकार पूर्ण तयारीमा रहेको र गृहमन्त्रीको निर्देशन कार्यान्वयनको अवस्था समेत समीक्षा गरिएको जानकारी दिए।