गरिमा चौधरी हत्या प्रकरण: बयानको भिडियो सार्वजनिक गर्ने प्रहरी पक्राउ

बारामा बालिका गरिमा चौधरीको बलात्कारपछि हत्या प्रकरणमा आरोपी किशोरको बयानको भिडियो खिचेर सामाजिक सञ्जालमा सार्वजनिक गरेको आरोपमा एक प्रहरी पक्राउ परेका छन्। बयान कक्षमै खिचिएको भिडियो भाइरल भएपछि घटनाको संवेदनशील विवरण सार्वजनिक भएको भन्दै प्रहरीमाथि प्रश्न उठेको थियो। बारा प्रहरीले भिडियो खिच्ने प्रहरीलाई पक्राउ गरी हिरासतमा राखेको जनाएको छ। उनीविरुद्ध फौजदारी कसुरअन्तर्गत कारबाही अघि बढाउने तयारी गरिएको छ।