रसुवा, नुवाकोट र धादिङ तीन महिनाका लागि विपद् संकटग्रस्त क्षेत्र घोषणा

सरकारले बाढी प्रभावित रसुवा, नुवाकोट र धादिङलाई तीन महिनाका लागि विपद् संकटग्रस्त क्षेत्र घोषणा गरेको छ। मन्त्रिपरिषद्को आकस्मिक बैठकले प्रभावित क्षेत्रमा आवश्यक उद्धार, राहत तथा पुनःस्थापनाका कामलाई प्रभावकारी बनाउने निर्णय गरेको हो। साथै सबै मन्त्रीहरूलाई आफ्नो मन्त्रालयसँग सम्बन्धित आवश्यकताको पहिचान गरी प्रभावित क्षेत्रमा सक्रिय रूपमा खटिन निर्देशन दिइएको छ।