नेपाल ट्रस्ट जग्गा प्रकरण : पूर्वसचिव तथा पूर्वसहसचिवलाई धरौटीमा रिहा गर्न आदेश

नेपाल ट्रस्टको जग्गा प्रकरणमा जिल्ला अदालत काठमाडौँले पूर्वसचिव अर्जुनकुमार कार्की र पूर्वसहसचिव लेखबहादुर कार्कीलाई धरौटीमा रिहा गर्न आदेश दिएको छ। अदालतले अर्जुन कार्कीसँग ६ लाख र लेखबहादुर कार्कीसँग १० लाख रुपैयाँ धरौटी माग गरेको छ। सीआईबीको अनुसन्धान अनुसार ६ अर्बभन्दा बढी प्रस्तावित रकम हुँदाहुँदै कम मूल्यमा सम्झौता गरी नेपाल ट्रस्टलाई ठूलो आर्थिक हानि पुर्‍याएको आरोप छ। ठगी र आपराधिक विश्वासघातसम्बन्धी मुद्दा अदालतमा विचाराधीन छ।